Nansi ke lendatshana. (Hlala esitulweni sakho osithandayo uyifunde ukholise)
Kungomyaka ka 2002 ebusika (summer) Nginxuswe ngumngane edililini elincincane. Angisakhumbili kahle ukuthi lelo dili lalingelani, kodwa ngicabanga ukuthi kwakuyikukhudumeza amaseko nje iskhathi somqando siside lapha kozitshebo ziyatshebana. Ngalesikhathi angikabazi abantu abanengi abakhaya kule Ie community ye Indianapolis. Mina njengomnuntu owafika masinyane kulelidili ngafica kungakabaswa umlilo. Ngancediswa ukubasa umlilo, lokosa inyama lapha. Aluba ngisaphitshekile ngezenayma kufike amadoda amabili amthathu, ayazanayo. Itshe ke lapha inxoxo. Axoxa ngezinto asezenzile ekhaya "in tems of development"
Athi omunye, ebuza omunye, Isinganani indlu yakho leyana owawuyakha? Hawu isizaphela, sokusele uphahla le lamwindi! (Amafasitela) Baxoxe sibili baze kukhanya bayakholisa. "Mina isamende ngenza okokuyothola eZambia ngilamaconnections khonale" ungaseke ungikhonekithe lami bantu. Hatshi ngizakuconnecta fethu ungakhathazeki. Eyami yamiswa ngikuswelakala kwesamende, uyabe wenze kahle!
Amadoda lawa, axoxa nje mina ngilokhu ngithule nje ikhanda lifuthwa yintuthu ngilwisana lokosa inyama. Kuthi omunye walawa ngadoda onguye oqale le inkulumo yenqubekela phambili, angibheke ebusweni ngenhlamvu zamehlo athi" Kanti ke wena ndoda wathula nje kanti usuwenzeni ekhaya? Ungibuza nje usenengwe yikithula kwami.
Dukuduku sokumele lami ngilandise lokhu engikwenzileyo ekhaya. Ngimphendule kahle mgithi , "yatshi mina angikenzi lutho olumangalisayo" Abesengicebisa ngalokhu angicebisa khona, ngingambuzanga. Kwakuyileziyana insuku abantu besakhumbula ukuthi , kuyabuyelwa ekhaya, ngeminyaka emibili emithathu elandelayo. Kuze kube khathesi phinde. Sonke lokhe sizihlalele lapha sokusekhaya. Akasekho umuntu okhuluma ngokuya ekhaya abantwana sebesezikolo.
Kuthi ngelikade sekudliwe kwanathwa, labantu sebebanengi lumuntu we nqubekala phambili ayiphethe emahlombe aqale njalo. Atsho komunye, athi kanti wena usewenzeni ekhaya, mina sengincedise iskolo sakithi lapha lalaphaya, ngakha indlu yami elezindlu ezithile. (Ngizaqhubeka ngeviki elizayo)
No comments:
Post a Comment