Sekufe abantu abangafika amtshumi amathathu ngeviki eledluleyo ezitaladeni sase South Africa. Abantu a abanengi beZimbabwe le Mozambique le Zambia basukele kumbe baxotshwa alpho abakade behlala khona. Labo abaqhuba lo umkhankaso wodlame batshengise isichuku esikhulu esingazake sibonakale selokhu kwabusa u Mandela ngo 1994. Kubikwa lento iqale emalokitshini ase Alexander ngeviki edluleyo. Amapholisa abika ukuthi asebophe abantu abedlula amakhulu amathathu ababanjwe bephathekile kuloludlame.
Ngikhuluma lomzawami izolo, uthe lento uhlukuluze abantu bonke bezizweni. Imifanekiso eminengi eyathathwa ngeziboniboni itshengise ukuchitheka kwegazi okukhulu, omunye utshengise umuntu esitsha umzimba wonke amapholisa ezama ukumcitsha ngenhlabathi. Umngane wami uNick Sibanda uthe lo umkhanankaso wedlula esikubonayo lesikuzwayo emaphepheni aseSouth Africa. UMongameli uThabo Mbeki uthe uyadana ngokewenzakeleyo ezweni elikhululekileyo le South Africa. Uthe abantu absemzansi akumelanga bazibone bengcono kulabanye abantu bezwekazi le Africa, kodwa kumele bamanyane.
Abantu abanengi abse Africa bakhale kakhulu ngokubona abnsundu bephatha abanye ngocuku olungako. UBishop Desmond Tutu umfundisi odumileyo usole kakhulu leso senzo. Abantu abanengi abaxotshwe emsebenzini lase zindlini babonakale begcwele ebandleni lase Methodist e Jobeki. Iziphathamandla sase South Africa zisakhangela ukuthi zingawuphatha njani lo umumo. Ibandla le ANC liqale inkulumo lebandla le IFP ukuzama ukusindisa lo umumo. Kubikwa labo abamba bebulala abantu bezizweni bebadlova, bazibiza ngokuthi bangamaZulu. Lokhu kungahlupha ngoba nxa masotsha angabizwa ukuthi ahlenge lumumo, amabandla angaxabana kudilike ukthula konke elizweni.
The brave man is not he one who does not feel afraid, but he who conquers that fear. Nelson Mandela.
No comments:
Post a Comment