Namuhla ngikhethe ukuthi ngifake izaga ezinlutshwana sizichasise:
Inchazelo iyavama ukutshiyana kwesinye isikhathi kusiya ngesigaba lapho umuntu akukhulele khona.
1)"Ukuhamba kuzala induna" kutsho ukuthi nxa uhambile ungathola amathuba amahle empilweni ongeke uwathole lapho usekhaya.
2) "Ohambileyo ufile" kutsho ukuthi nxa uhambile awusabalelwa kuleyo ndawo, usubalelwa lapho owekhona.
3)"Uzawukhomba umuzi olotshwala" Kutsho ukuthi kwesinye iskhathi empilweni ungazithola ususe mumeni inzima okungadinga ukuthi uginye ukuzigqaja lobunguwe bakho!
4) "Zala bantu ziyebantwini akuna ntombi eyagana inyamazana" lapha lijaha eliyabe laliwe yintombi, liziduduza lithi ngoba lalowo intombi ezamgana ngumuntu lawe.
5) "Ukhomba ngophakathi" Lokhu kutsho ukuthi lomuntu okuthiwa ukhomba ngophakathi izinto zonke nje zimhambela kuhle empilweni.
6) "Udiwo lufuze imbiza" Kutsho umntwana kumbe ingane eyabe ifana loyise, ingabe ngezenzo kumbe isontsha lesimilo!
7) 'Hamba juba lami bazokuchutha phambili" Ngesinye njalo isaga esitsho ukuthi lumuntu othi hamba juba lami, akathabanga kodwa uthi hamba bazokubona phambili. Ungani uyakhalala, kumbe ukunena.
8) Ngitshiya mkhaza edibha kukhatshana" Ngumuntu odiniweyo ngomunye abesesithi, ngiyekele wena, amfananise lokhaza okutshwa kanye ngeviki edibha njenge nkomo.
No comments:
Post a Comment