Bulawayo
IBosso idla amalahle ase Wanki enkundleni yokuGela izinwele koNtuthuziyathunqa!
Kubikwa iqembu laMahlolamyama litshonise izivakatshi zase Wanki ngefotsholo eyodwa. Izimba mgodi zasemayini wase Wanki edumileyo kwele Matebeland eseningizimu zibhajiwe zehluleka ukufotshola amalahle abezize lawo ukuwathunqisela emagumeni. Kuthiwa lezi zimbamgodi ziphembe ithuthu kuphela azize zayibona intuba yokugela inzwele B/F ebivikelwa ngabafana bakaMagebhula. Kubikwa lezi zimbagodi zisuke zalibala amgogolosi okubona emini (day goggles) njengoba phela zejayele ukusebenzela phansi emgodini ebusuku.
Esinye iskhulumelie saleli qembu ebesingafuni ukuziveza igama , sithe kuphambanisekile lapha bephakitsha la amangilazi. Uthi lowo onguye ophakitshe la amangilazi uzajeziswa kakhulu nxa befika emayini. Iqembu lika Mantengwane elikhokhelwa ngu Kelvin Kaindu liqhubeka lisidla ubhedu. Isiyiviki yesibili liqonge phezulu kwamaqembu onke kumcintiswana we ncitshi jikelele. Kuvamile ukuthi nxa leli qembu selisenze nje amapolisa aqale ukulwisa abalandeli balo. Kungenzakala ukuthi bazame lokuxotsha umqeqetshi waleli qembu elizweni, bambisele kibo eZambia.
No comments:
Post a Comment