KuseLobengula esentshonalanga eduzane letheminasi yamabhasi kumathree rooms. Ilanga libablele abantwana bayadlala njengenhlalayenza , abanye badla uAra, kanti abanye badlala ibhola lamaphepha bucwadlana. Kusenjalo nansi imota yenkampani ethengisa ezefenitsha ilokhu idlula dlula kungathi bayadinga. Mhlawumbe badinga inamba, selokhu phela lezi namba ziyanxibana kulelilokitshi kumele ube ngumuntu ozazi kahle, futhi ukuthi uzazi khale kumele ube uhlala khona kumbe sewake wahlala khona.
Abantwana bame ukudla ibhola lamaphepha labo sebekhangwe yoleyi mota yako Pelhams. Akwandanga ukuthi kube lamadilivari lapha ngaphandle nje kanye ngesikhathi, ikakhulu nxa sekhuphela umnyaka abantu sebethole abhonasi abo labo phela abaphephelwa zinyanga zabo. Phela ngeholo labantu akulula ukuthenga impahla zendlu nyanga zonke. Laba afana ababekade badlala sebephikisana ngale imota elokhu ihamba mbijana mbijana, isima iphinde isuke njalo. Athi uCingwane "Mina ngiyakubhejela jeki lemota iya konakaSithe ngoba yikho kodwa okulo baba olomsebenszi omuhle! Angithi phela usekathe yingcitshi kwezamagesti , bathi inakampani yonke ithembe yena. Aha okwangaphi Lu? Ngamanga lawo usaSithe ngumesenja "ophucukileyo" igesti vele kayazi nixi ukuthi ihamba ngaluphi ucingo" Pho iyakobani sekungenela umfowabo uMlungisi. Enxenye iya koMpofu, phela umfana wakhe lowayana oseGoli uyathumeza ngokuya kwesikhathi. Usebenzela ekhaya sibili hatshi olunengi lolu! Angithi nyakenye ngoDisemba uthumele unina imali ukuthi amthenegele ihodirobhu. Phela impahla zakhe zazilokhu zihlezi nzima.
"Majita lilamanga mina ngizalitshela ukuthi izakuma kobani" Izakuma koNgulube laphaya ekhoneni, kungenela uPhephisani. UNgulube ngumahobho kodwa ungcono uyagcina imali yakhe, ngoba uhamba ngentshelelezani ifixi phela. Ifixi leyana yadula sibili kodwa khathesi useqala ukuthengwa impahla zendlini ngoba kuthiwa usezathatha. Phela akwenzi ukuthatha umuntu elokhe elala embedeni ongathi yisilugu senkukhu. Ngake ngathi ngithunyiwe ngelinye ilanga ngawubona umbheda wakhe, yeyi kuzwisa usizi, ukuthi umuntu osebenzayo alale ngaleyana ndlela. Ulala atshone kukhanye insiba zenkukhu kuphela lami engizilalela phansi ngilingane lomhlaba ngingcono shame. Futhi akafuni kuthi abantu bangene endlini yakho uhle aze ehaluzela aphonguvula umnyango kancane nje, kuze kuthi lanxa esiyathatha okunye umekha shuwa ukuthi uvalile ikamelo lendlini youkulala.
"Nansiya isiqonda koThiza, phela okuThi lakho selokhu kwaqala ukusebenza phela sekubonakala inqgubekela phambili laphaya ekhaya. Sekulesitofu sethu two pletsi, idispleyi, lamasofa khathesi sekusele umbheda. Kodwa unina wathi aqale ame ukuthenga umbheda ngoba indawo incinyane. Uzathenga nxa esesiya hlala yedwa esilojeni. Manje phela unina uyamcindezela nxa esenza njalo magents! Maya majita abantu benza izinto ngendlela ezitshiyeneyo, kuya ngefemili ngefemili. Kungenela uMthu laye engafuni ukusalela enkulumeni. Mina ngingasebenza madoda lizabona. Ngifuna ukuqala ngiextende indlu yangakithi ibelezindlu eiziyitshiyagalo lunye ukuze mina sonke lomama labanawami sibe labhedirumu ulumuntu lomuntu eyakhe.
Ngifuna ukudiliza konke lokhuyana ngakhe kakutsha njengoMpendulo. Imali yonke leyana ayithola eDRC wahle waextenda indlu khathesi sebephila izikhiwa. ungatsho ukuthi nguye lowayana owayeqgoka ibhulugwe eilodwa eiliyigireyi leyembe esefekileyo. Phela ibhulugwe lonaleliyana kwakuyiyinifomu yakhe aqeda ngayo eMagwegwe Secondary. Iyembe leyana ebomvu wayeveli engasayitshuki ngoba yayingahle ibe zinvuthu.Angithi wayeyiyatsha ebusuku abantu belele avuke eyifaka futhi ekuseni! (Izaqhubeka ngeviki elizayo)
No comments:
Post a Comment