Injiva yasipoyila uhambo lwami.

Yimi lowayana ngigada I greyhound koBulawayo sengiqonde khona eJwanazibeki. Ngizitholele indawo yami enhle sibili phakathi, futhi kube kuhle ngoba ayigcwalanga. Luhambo phose olwamahola ngamatshumi amabili lambili ukuyafika esidikidikini emtshitshi phela eJoza.

Njengomuntu obekade egijigijima lapha phakathi komuzi, ezama ukubona phose wonke umuntu ngesikhathi esifitshane ngangidinwe ngifile. Kambe phose amaviki amabili wonke ngilokhu ngihamba ubusuku lemini ukudinwa kusuka kukufikele. Ngizihlalelele ke esihlaweni sami ngizizwe ngi comfortable. I greyhound yekhaya phela yibutofutofu amganga mabi. Nxa sesedlule iGwanda amehlo athi zi. Masinyane ubuthongo bungibambe. Ngize ngivuke phose sesifika eBeitbridge. Sithe sesichaphile umfula uNgulukudela phela owacatshwa ngabanengi banyamalala sezwa ibhasi kungathi isihamba kukhaphethi uqobo lwayo.

Ngiphinde futhi ngithi zi, size siyefika e Louis Trichard. Ime ke lpaho ibhasi ukuthi bazelulayo bazelule, kanti njalo abafuna ukutshaywa ngumoya benze njalo. Lami nje ngiphume mgizelule ngibuke inkanyezi andubana sengivela vakatshela endlini encane. Ngizakholisa umoya omnandi nangu umama, phose ongaphose abemdadlanyana kulami kumbe abe mncane selokhu phela kunzima ukuqamba iminyaka yomuntu wesifazane. Asondele nje kimi masinyane ahle atsho engibhekile emehlweni. "Athi heyi bhudi ukuhoqa shuwa"  Inhloni zangiphatha sengiphungothi hayi yikudinwa mani.  Ngathi enhliziyweni yami kambe ungubani yean ukuba angitshele ukuthi ngiyahoqa mina ngibhadale eyami imali. Angithi futhi yiyo into enhle ngokuhamba ebusku phela.

 Kuthe lanxa sengingena ebhasini vele sengilokhu ngizibuza ukuthi kambe bangaki bantu akade bengizwa ngihoqa lapha. Phela mina laye sasehlukaniswe yiro ewoda yesihlalo. Kusobala ukuthi umuntu lo uyabheda nje usebenzisa ifreedom of speech yakhe kabi. Angisange ngiphnde ngilale kuhle ngoba phela lodade oliphoyisa lokugoqa engibhekile, funa abuye akhulume intando yakhe njalo phambili. Ayi injiva mani laba abantu angibaqedisisi!